आई दिनांक 17 जनवरी, 2013 दिनक एक बजे राष्ट्रीय
नाट्य विद्यालय, नई दिल्ली के अंतरमुख सभागारमे सुप्रसिद्ध रंगनिर्देशक
श्री प्रसन्ना लिखित पुस्तक “इण्डियन मेथड
इन एक्टिंग” विमोचन सुप्रसिद्ध अभिनेता [ पद्मश्री
] इरफान खान द्वारा कयल गेल । ई पुस्तक राष्ट्रीय नाट्य विद्यालयक
प्रकाशन विभाग द्वारा प्रकाशित कयल गेल अछि । पुस्तक अभिनयक प्रशिक्षण लेनिहार
छात्र लोकनि लेल अत्यंत उपयोगी होयत । श्री प्रसन्ना अपन छात्रक प्रिय
शिक्षक रहलाह अछि संगहि अपन गप्प के आसान स’ आसान तरीका मे कोना
बुझाओल जाय ताहि मे हिनका महारथ हाशिल छनि । पुस्तकक मूल्य हार्ड बॉण्ड मे 350
टाका अछि । भरि भारत रंग महोत्सव ई पुस्तक आधा दाम मे उपलब्ध होयत ।
पुस्तक लोकर्पण समारोह मे मंच पर राष्ट्रीय
नाट्य विद्यालय के अध्यक्ष श्रीमती अमाल अल्लाना, निदेशक सुश्री
अनुराधा कपूर, पुस्तक लेखक श्री प्रसन्ना आ मुख्य अतिथि श्री इरफान
खान छलाह.
आयोजन संचालन अभिनेता श्री आसिफ अली
हैदर खान क’
रहल छलाह ।
ओना त’ अंतरमुख
सभागार छोट अछि मुदा तैयो ई वरीष्ठ रंगकर्मी लोकनि स’
नीक जेना भरल छल ।
ई कतेक खुशीक बात अछि जे प्रसन्ना जीक
छात्र इरफान खान के हुनक पुस्तक लोकार्पण करबा लेल आमंत्रित कयल गेलन्हि । जँ अपन
शिश्य वा कि अनुचर वा कि अनुज काबिल हुए त’ हुनका सम्मान देबाक
चाही से गप्प हमरा समाज के सेहो सिखबाक चाही । आए मंच पर अपन गुरुक पुस्तक
लोकार्पित करैत अत्यंत खुशी महसूस क’ रहल छलाह इरफान.
कोई टिप्पणी नहीं:
एक टिप्पणी भेजें